Përthyerje të neo-osmanizmit në Kosovë

“Armiku më i madh i popullit serb është elita e tij”, ka thënë Gj. Gjorgjeviç, regjizor serb. Kësaj fraze i referohet Arbër Xhaferri në një intervistë dhënë për Shekullin, në të cilën ai ngre zërin kundër një si marëveshje të arritur midis ministrisë turke të arsimit dhe ministrisë shqiptare lidhur me rishikimin e teksteve shkollore të historisë, ku pushtimi otoman përshkruhet e cilësohet si një …. pushtim otoman. Me frazën e kreut, Xhaferri denoncon elitën e sotme turke, sidomos atë politike, e cila ka bërë të vetën strategjinë e neo-osmanizmit, në themel të së cilës janë përpjekjet e Turqisë për të rekuperuar rolin dhe fuqinë e qëmotshme për të kontrolluar e dominuar botën muslimane, sidomos atë pjesë të kësaj bote që ka qenë historikisht nën sundimin otoman. Intelektuali që e ka më për zemër këtë doktrinë është Davutoglu, ministër i jashtëm i Turqisë.

Xhaferri ka shkruar më se njëherë kundër tezave të këtij të fundit. Këtë herë ngre zërin kundër marrëveshjes mes ministrive të arsimit ku, të gjithë ata që janë të shqetësuar njësoj si Xhaferri do duhej të mendonin, se përgjegjësi duhet të mbajnë dhe auoritetet shqiptare.