E premte, 29.03.2024, 05:10 AM (GMT)

Kulturë

Sabile Keçmezi-Basha: Të përgjërohem Itakë

E merkure, 03.08.2011, 06:58 PM


Sabile Keçmezi-Basha

sabile_basha@hotmail.com

 

TË PËRGJËROHEM ITAKË

 

Sonte të përgjërohem

Të më marrësh

Në gjirin tënd-Itakë

Dhe ta ndjesh dhembjen

Se si i bluan eshtrat

Të gjymtyrëve të lodhura

Nga ecejaket

 

 

IDENTIKE

 

Shpesh shekulli shekullit i përcjell

Kohën mjegullnajë

Me mesazhe enigmatike, Itakë

Merret Karoni plak

I ardhur nga një botë tjetër

 

Dhe

Befasishëm si malli

Nata e kaluar ngrohet

                 nga hukamë e kuqe

Që lëshuan milingonat

Në paradë mortore

Itakë, për të satën herë

                            të përgjëroj

Kudo që të jesh, më ndje

Puhizën e vesin të mbaj peng

Për ditën me erë ftoi

 

 

MARATONË

 

Të gjitha netët e veja

Në maratonë

Pësuan metamorfozë

Xhaketat prej pambuku

I këputën mangët

Dhe

Pa gjymtyrë ngeli

Koha tekanjoze

 

E nesër,

Moj mike

Është vonë

Për ta zënë ylberin

Që kullonte dhembje

Nga diagnozë e gabuar

 

 

NGANJËHERË

 

Rëndomë më është njësojë

Se çfarë grafikonesh ka

Në statistikat e tmerrit

 

E nganjëherë

Parqet diellore

Ma qesin gjuhën

Më përqeshin

 

Shpesh më ndodhë

Ma zënë pritën

Në udhëkryq-fantazmat

Dhe

Ikë me vrap kipci i im

Pa u përshëndetur

Me mua-

Shtegtaren e trembur



(Vota: 11 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora