Ceceni, pijet energjike kundër Islamit

Autoritetet e Cecenisë islamike po projektojnë t’u ndalojnë të rinjve nën moshën 18-vjecare shitjen e pijeve energjike si “Red Bull”.

Motivi është se konsumimi i tyre bie ndesh me parimet e Islamit dhe janë të rrezikshme për shëndetin.

Kjo masë është vetëm e fundit nga kufizimet që lidhen me besimin fetar në rajonin e republikës ruse.

Këtu dyqanet mund të shesin pije alkolike vetëm në mëngjes, për një periudhë të shkurtër, ndërsa restorantet janë të mbyllur gjatë Ramazanit dhe gratë duhet të mbajnë velon në ndërtesat publike.