Zemra Shqiptare

  https://www.zemrashqiptare.net/


Kadri Mani: Anestezist Meha Rexhepi

| E hene, 11.07.2011, 06:58 PM |


Kadri Mani

 

Anestezist Meha Rexhepi

3.9.1932

 

O tek len dielli-o e praron-o hana

Mehedin Rexhep-o ma nuk ban nana!

 

E kanë dërgue-o djalin n’Mejtep-e

Po e përballonte-o fort me gazep-e!

 

Ç’janë këto shkronja-o hieroglife

O Abetaren e dua-o bre lulekadife!

 

O kurrë nuk bahem-o imam n’katudin

Popullit tim-o bre me ja shtue mundin!

 

Jemi dalë nga lufta-o me tym e flakë-e

Populli ynë-o ashtë me shumë plagë-e!

 

Ik prej dinit-o bre edhe prej imanit

Nuk shkoj gjurmëve-o bre të sulltanit!

 

O Babë Hyseni-o dhe nëna Refike

Ç’po e edukojnë-o për Shqipërinë etnike!

 

S’durojmë sundimin-o të çdo gabeli

O muhaxherë jemë-o nga Dervodeli!

 

E fqinjët tanë-o bre janë nga Tullara

Fort mirë e dimë-o kah na vjen e mbara!

 

Shkon në shkollën-o të medicinës

O mëson sekretet-o të penicilinës!

 

I mëson nxitësit-o të temperaturës

O po e feston-o bre ditën e maturës!

 

Shtëpi më shtëpi çantën me shiringa

Ç’po i përzë-o bre hajmalitë shtriga!

 

Çka i keni ngrit kokat-o bre si gjirafë

Popullin tonë-o e keni marrë në qafë!?

 

Me magji-o sëmundja kurrë nuk ik

O po me ilaçe bre edhe antibiotikë!

 

Nuk shoqërohej-o me karagjozët

O ç’po i mjekon-o bre tuberkulozët!

 

Dhe Tahirja-o bre e kufirit t’Serbisë

Traditëlashtë-o në shërbim t’Shqipërisë!

 

O për busullë pajtim-orientimi Prizrenin

Me vëlla Bellën e sivëlla Munish Hysnin!

 

O kanë fëmijë e shumë e nipa dhe mbesa

Gjithë t’brumosur me ideale dhe shpresa!

 

Mirë e dinë se kah po na vjen-o shpëtimi

Udhërrëfyes i pagabueshëm-o Perëndimi!