E enjte, 28.03.2024, 07:41 PM (GMT)

Kulturë

Ali Sh. Berisha: Po afrohet dita jonë

E premte, 01.07.2011, 06:44 PM


Ali Sh. Berisha

 

Po afrohet dita jonë

 

Më 27 Nentor

Nga krahërorët e përvëluar

Buqiti nëpër logje kuvendimi zëri i ndaluar

Që të kurorëzohet luleja me agim

Dhe flamuri me shqipen n’fluturim

 

Syxixat këngës ia thane -

Ikni prej nesh mizoria

Po afrohet dita jonë

Dita jonë…

 

Dasmorë e kalldërm u njëzuan

Me lirinë në zemër ngjizë

Brohoritjet katakombet shpuan -

Më pallate s’ju ndërtojmë

Zot do të jemi

Në shtëpinë tonë

 

Seç zënë qoshet hijenat e zeza

Seç thumbojnë nga ferri kat

Dhe qëllojnë yllin n’vrap

Bie Murati e nuk vdes

Se përtrihet në çdo brez

Për Kosovën e Re

 

Tek kërcasin bravat e rrotullohen çelësat

Tek gojëndryrët e symbyllët fyhen

Kënga pëlcet -

Po afrohet dita jonë

Dita jonë…

 

Nëpër lugje vetëtimthi me erë

Pranë Prishtinës si përherë

Derdhet Sharri e tronditet deti

Dridhen hijenat e Hijenia

Se dritë e yjve

N’tokë të Ilirisë

I niste shkelmin robërisë



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora