E enjte, 28.03.2024, 06:52 PM (GMT)

Kulturë

Skënder R. Hoxha: Haiku i Dushkajës (III)

E enjte, 23.06.2011, 06:18 PM


SKËNDER R. HOXHA

 

HAIKU I DUSHKAJËS (III)

 

Haiku udhëton, shtegton

Nëpër fusha kodra, alpe –

Dhe në krahinë t’Dushkajës…

 

Eh, Dushkaja ime

T’i dua të gjitha stinët

Por më tepër pranverën…

 

U nis stinë e pranverës,

Dallëndyshet u kthyen –

TI nuk je me lulet!

 

Lulet qëndisin fushat

Malet e bregoret n’Dushkajë,

I nuhas në pritje me diellin…

 

Zanat e malit habiten

Kur më shohin pa TY,

Në netët pa hënë!

 

Nganjëherë si fëmijës

Më vjen shpresë e re –

Se një ditë do të kthehesh…

 

Në net të serta –

Ëndërroj gjumin nën flokët tua,

Mbi gjethe dafine…

 

I dua zogjtë e natës,

I dua të lehurat e qenve

Që na shoqëruan pesë vjet…

 

Pesë vjet dashuri – idilë

Me aromë virgjëreshe –

I vumë në litar jete!...

 

Idilet tona të përsëritura

Deri te hija e zbehtë e ndarjes,

Deri te fustani yt i nusërisë…

 

Në terr vizatonim frymëmarrjen

E dashurisë së pavdekshme –

Por, ndarja vinte me hapa helmi!

 

Kaloja net në male të Dushkajës

Herë ishin të nxehta herë me shi e brymë

Me të dashurat virgjëresha…

 

Pata shumë dshnore (atëherë)

Më vonë janë martuar, gëzuar ato (?) –

U kam uruar mbarësi…

 

Të dashurova kur isha i ri  - i martuar.

Për TY derdh lot e shkruaj vargje –

Tash i moshuar – pa TY, e pafajshme!

 

Ah, si të kishte mundësi –

Lotët e mi të derdhen

Në qukat e faqeve tua!

 

Iku ajo kohë shpejt, sa shpejt!

Si ëndërr e pakryer,

Në anije të fundosur…

 

Të rrëmbeu fjalë e Kanunit

Të rrëmbeu fjalë e traditës

Unë pa ty – në atë pikë të ditës!

 

Karvani i krushqve ecte krenisht,

Ty, në një makinë të kuqe –

Të kishin nisur të bëhesh nuse…

 

Si kusar deti përcillja çdo gjë

Nga rrugica të atij katundi –

Athua si do t’më zënte muzgu?

 

Peja më priste atë mbrëmje

Ky qytet pranë alpeve –

Ishte vendbanimi im i dytë.

 

Humbe, u trete pa adresë

Çdo lidhje jona mori fund –

Mbetën kujtime dashurie…

 

Dashuria e sinqertë

Në pyllin bungishtë –

Më ther si shigjetë!

 

Ëndrrat nuk më lënë rehat

Më molis MOSPRANIA –

Më kapit PAFAJËSIA…      

                                                  

(Maj - qershor 2011)



(Vota: 36 . Mesatare: 4.5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora