E enjte, 28.03.2024, 10:59 AM (GMT)

Kulturë

Dy poezi nga Pëllumb Lamaj

E premte, 03.06.2011, 06:21 PM


Pëllumb Lamaj *

 

 

Kosoves Martire

 

Njëqind vjetë u pre pema e lirisë

Por rrënjët e Kombit ishin të thella

Ato njomeshin me gjak martirësh

Filiza buronte Kosova ndër breza.

 

Njëqind vjet u pre Flamuri

Me mijera thika u coptua

Por gjallë mbeti Shote Galica

Xhem Gostivari, Shaban Polluzha.

 

Njëqind vjetë luftoi Drenica

Jo, kurrë s'u dorezua Kosovari

Thërrasin trojet e SHQIPëRISE ETNIKE

Të qofshim falë o Adem Jashari.

 

Marshon e lirë Kosova maretire

Me sytë e përmalluar drejt trungut Nënë

Po troket ora e racës Ilire

Kush është burrë, të ngrihet në këmbë.....!

 

USA shkurt 2011

 

***

 

 

Elegji Per '97-ten

 

Retë përpinë Karaburunin

Dhe u derdhën mbi Sazan

Po bucet Adriatiku

Rrufetë skuqin Kuzë Babanë.

 

Deti Jon shkumbezon tallaze

Llogoraja po rënkon

Kali Trojes ka marrë rrugën

O-bobo, do n'a djeg Vlorë!

 

Derdhet Vjosa e zemëruar

Lumi Vlorës nxjerr kërcunjë

Nga Cipini zbret orteku

Vlore e zezë ka rënë ne gjunjë.

 

Kërcet pushka, gjëmon bomba

C'faqen maskat, klithin sorrat,

Tre gishta lart dhe një flamur grek

komunistët bëjnë festë.

 

Në Tiranë ndare në partira

Bolshevikë e renegatë

Tymi le ti dali Vlorës

Janë mësuar të qajne gratë.

 

Ah, moj kucedër e kuqe

Si nuk u ngope me gjak

Edhe pjellen tënde hëngre

Dhe tani u ktheve prap.

 

'97-të mos ardhc kurrë

Ti që turpërove flamur

Prure grek e italianë

Dhunove dëshmorët tanë...!

 

Maj 1997 USA

 

*Pellumb Lamaj, ish i denuar politik, mbijetuar nga ish te burgusorit e burgut te tmerrshem te Spacit.



(Vota: 3 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora