Demir Krasniqi: Nuk ka vend kurrë për dashuri

NUK KA VEND PËR DASHURI

Aty ku gjykohet me Kanun të Lekës –

Aty s’ kalbet kurrë fara e së keqes !

Aty ku njerëzia mbajnë armë në shokë –

Aty nuk mbijnë kurrë lulet përmbi tokë !

Aty ku lulëzon vëllavrasja e hakmarrja –

Aty lulëzon krimi , shfarosja , përçarja !

Aty ku Kanunin e drejtojnë bajraqet –

Aty s’ pushon dhuna , krimi edhe gjaqet !

Aty ku vëllai ia merr gruan vëllait –

Aty përmbi koka hedhin valle djajtë !

Aty ku ushqehet urrejtja ndër fetare –

Aty mbillet mortja deri n’ dalje fare !

Aty ku ushqehet urrejtja ndër fisnore –

Aty primitivizmi do të lulëzojë prore !

Aty ku ushqehet urrejtja krahinore –

Aty ecet mbrapsht me hapa mizore !

Aty ku ushqehet urrejtja partiake –

Aty është varfëria dhe jeta vetjake !

Aty ku njerëzia ushqehet me krim –

Aty ka shfarosje , kurrë nuk ka bashkim !

Aty ku për jetën nuk ka siguri –

Aty nuk ka vend kurrë për dashuri !

Gjilan, më 21.05.2011.      Demir KRASNIQI