Milazim Kadriu: U përurua monografia “Feniksët e lirisë-13”

U përurua monografia “Feniksët e lirisë-13”

Nga Milazim KADRIU

Organizuar nga Redaksia “Dëshmorët e UÇK-së” në  amfiteatrin e Bibliotekës Kombëtare Universitare, në Prishtinë, u përurua monografia “Feniksët e lirisë-13”. Në këtë monografi janë përfshirë biografitë e 65 dëshmorëve të rënë gjatë kohës së luftës së Ushtrisë Çlirimtare të Kosovës.  Në përurim ishin të pranishëm familjarë të dëshmorëve, invalidë e veteranë të luftës dhe qytetarë liridashës të vendit. Me ftesë të Redaksisë, në përurim, mori pjesë edhe z. Alfredo Bider,  nga Biella e Italisë, vëllai i dëshmorit të UÇK-së, Françesko Bider, i cili ka rënë  “Te Rrasa e Kosharës” më 7 maj të vitit 1999. me këtë rast u tha se e veçanta e edicionit: “Feniksët e lirisë” qëndron në faktin se të dhënat për biografitë e dëshmorëve janë vjelë dhe vilen nga dora e parë, nga bashkëluftëtarët dhe familjarët e dëshmorëve dhe nga burime të tjera relevante, të cilat hedhin dritë mbi ngjarjet më të rëndësishme të luftës sonë heroike, çlirimtare dhe fitimtare.

Anëtari i Redaksisë, dr. Sabahajdin Cena, para të pranishmëve, që morën pjesë në përurim  foli për përkushtimin e dëshmorëve, të cilët me gjakun e tyre nënshkruan lirinë dhe pavarësinë e Kosovës. Ai po ashtu foli edhe  për punën angazhimin këmbëngulës, por edhe vështirësitë me të cilat po ballafaqohet realizimi i këtij projekti. Edhe kjo monografi sikur edhe 12 të tjera t,të deritashme, është vazhdimësi e punës  shkencore hulumtuese të bashkëpunëtorëve,të bashkëbisedueseve e të bashkëluftëtarëve ,përkatësisht të bashkëkohësve  të kësaj ngjarje  të madhe që drodhi e përdrodhi rrjedhën e historisë së kësaj toke që po lahet me gjakun e bijëve të vetë me shekuj.

Në këtë libër lexuesit  do ti kënaqet kureshtja gjatë zbulimit ët njohurive  për lëvizjen tonë kombëtare  në tërë rrafshin organizativ prej ilegales së Zahirit,Edmondit e Hakifit e deri te lufta frontale  e Abedin Rexhës .Shkëlzen haradinajt e Adem jasharit,në Prekaz,Gllogjan,në Tabet e Llapashticës apo në Krushën e Madhe të Ukshin Hotit. Shkrimet e këtij libri mbajnë vulën  e evolucionit ët instrumentit të forcës që shpërtheu  si uragan dhe gëlltiti  njëherë e përgjithmonë  artilerin serboçetnike  që pretendonte mbajtjen e tokës  së huaj,tha Cena.

Në emër të familjeve të dëshmorëve një fjalë rasti e foli, z Afredo Bider, i cili u shpreh krenar për veprën heroike të vëllait, në çlirimin e Kosovës. Në fund, bashkëpunëtorja e Redaksisë, “Dëshmorët e UÇK-së”, Fetnete Ramosaj u shpërndau familjarëve të pranishëm të dëshmorëve librin “Feniksët e lirisë-13”. Në  këtë monografi janë përfshirë biografitë e  65  dëshmorëve të Ushtrisë Çlirimtare të Kosovës nga të gjitha zonat operative të luftës ,të rënë  për liri.