E merkure, 02.12.2020, 09:19 AM (GMT)

Aktualitet

Përfundon numërimi në 46 Bashki, 27 i fiton PS, PD merr 19

E marte, 10.05.2011, 07:57 PM


TIRANË- Ka përfunduar procesi i numërimit të votave në 46 Bashki. Ato janë: Gjirokastër, Himarë, Gramsh, Përmet, Delvinë, Tepelenë, Memaliaj, Ballsh, Burrel, Maliq, Peshkopi,Sarandë, Rubik, Rrogozhinë, Sarandë, Ersekë, Pukë, Lezhe, Kukes, Bilisht, Leskovik. Prej këtyre 27 bashki janë fituar nga Aleanca për të Ardhmen, ndërsa 19 nga Aleanca për Qytetarin.

 

Lushnje, fiton PS
Partia Socialiste fiton edhe bashkinë e Lushnjes. Kandidati i PS ka fituar 11526 vota, kundrejt kandidatit të PD-LSI 7782 vota.

Libohovë, fiton PD
Kandidati i Partisë Demokratike Altin Çomo ka fituar bashkinë e Libohovës me 1200 vota, kundrejt kandidatit të PS me 300 vota.

Prrenjas fiton PD
Ka përfunduar procesi i numërimit të votave edhe në bashkinë e Prrenjasit, ku ka fituar kandidati i PD Bajazit Karriqi.

Koplik fiton PD
Edhe në skajin verior të Koplikut ka përfunduar procesi i numërimit të votave. Kandidati i PD ka fituar në këtë Bashki 2203, kundrejt atij të PS me 1843.

Vlorë fiton PS
Ka përfunduar procesi i numërimit të votave edhe në Bashkinë e Vlorës, ku ashtu sic ishte parë edhe nga numërimet gjatë këtyre ditëve kandidati i PS-së Shpëtim Gjika ka fituar këto zgjedhje me 24086 vota, kundrejt rivalit të PD Kollozi që mori 18025 vota. Ne total jane numeruar 86 kuti ne Vlore.

Shëngjin fiton PS
Ka përfunduar procesi i numërimit edhe në Bashkinë e Shëngjinit ku fitues është shpallur kandidati i PS Salvador Kaçaj. Ai ka fituar në total 2330 vota, kundrejt kandidatit të PD me 1847 vota. Në Shëngjin janë numëruar në total 9 kuti.

Lac fiton PS
Në Bashkinë e Lacit ka përfunduar procesi i numërimit të votave dhe është shpallur fitues kandidati i PS Artur Bardhi.

Librazhd fiton PD
Ka fituar edhe në Librazhd kandidati i PD-së Shefki Cota.

Krujë fiton PD
Kandidati i PD-së në Krujë ka fituar me 97 vota më shumë se kandidati i PS.

Berat fiton PS
Përfundon numërimi në Bashkinë e Beratit. Ka fituar kandidati i Aleancës për të Ardhmen Fadil Nasufi me 10148 vota kundrejt PD me 9177.

Kamëz fiton PD
Ka përfunduar rreth orës 17:20 numërimi për bashkinë e Kamzës, një garë e fortë mes kandidatëve PS-PD Suli e Mziu. Fitues është shpallur kandidati i PD-së Mziu i cili ka marrë 15952 vota në krahasim me 13099 të kandidatit të majtë. Gjithsej janë numëruar 51 kuti.

Klos, fiton PD

Përfundon numërimi ne bashkine Klos. Fiton kandidati PD me 2658 vota kundrejt kandidatit PS 1948 

Kavajë fiton PS 
Në Kavajë ka përfunduar të martën në mëngjes procesi i numërimit nga ku është shënuar fitorja e kandidatit të PS, Elvis Rroshi. 

Corovodë fiton LSI 
Në Corovodë është mbylur procesi I numërimit ku kandidati I LSI I Aleanca për Qytetarin, Nesim Spahiu ka marrë 1 710 vota kurse kandidati i PS 1 200 vota. 

Fushë Krujë fiton PS 
Edhe në Fushë Krujë është mbyllur procesi i numërimti të votave ku është shënuar fitorja e kandidatit të PS 

Konispol fiton PS 
Votimi është mbyllur dhe në Konispol ku PS ka shënuar fitoren me 1570 vota kundrejt PD me 1300 vota. 

Pogradec fiton PS
Është mbyllur votimi dhe në Pogradec ku Artan Shkëmbi I PS shënon fitoren me 7580 vota kurse kundërshtari i LSI, Luan Topciu 5 837 vota. 

Cërrik fiton PD

Ka përfunduar procesi i votimt në Bashkinë e Cërrikut, ku fitues është shpallur kandidati i PD Servet Duzha me 2328, kundrejt 1928 votave që ka marrë kandidati i PS

Kucovë fiton PS
Bardhyl Gjyzeli kandidati i PS ka fituar në Kucovë me 4575 vota kundrejt kandidatit të PD Selfo Kapllani me 4121 vota.

PS fiton edhe Bashkinë e Policianit si dhe Urën Vajgurore. Fitore edhe në Divjakë.

Krumë fiton PS

Përfundon procesi i numërimit edhe në Bashkinë e Krumës, ku "Aleanca për të Ardhmen" ka fituar me 1992 vota kundrejt 1484 vota të "Aleancës për Qytetarin' 

Bajram Curri fiton PD

Ka përfunduar numërimi i të gjitha kutive të votimit edhe në Bashkinë e Bajram Currit ku ka fituar "Aleanca për Qytetarin" me 2110 vota, kundrejt 1242 votave të kandidatit të majtë.

Leskovik fiton PD
Në KZAZ nr.31, Ersekë, grupet e numërimit përfunduan numërimin e votave për Bashkinë e Leskovikut. Kandidati për kryetar bashkie të grupimit politik "Aleanca për Qytetarin", Fatmir Guda, ka marrë1592 vota dhe për kandidatin për kryetar bashkie të grupimit politik "Aleanca për të Ardhmen", Sergei Peshtani, kanë votuar 1237 votues.

Bilisht fiton PD
Në KZAZ nr.33, bashkia Bilisht, grupet e numërimit përfunduan numërimin e votave për bashkinë e Bilishtit. 
Sipas kryetarit të kësaj KZAZ-je, Valter Hoxha, për kandidatin për kryetar bashkie të grupimit politik "Aleanca për Qytetarin", Valter Miza, kanë votuar 2638 zgjedhës dhe për kandidatin për kryetar bashkie të grupimit politik "Aleanca për të Ardhmen", Haki Ajçe, kanë votuar 1971 votues. Kandidati i "Aleancës për Qytetarin", Valter Miza, fiton mandatin e dytë me 667 vota më tepër se kandidati i "Aleancës për të Ardhmen", Haki Ajçe. 

Kukës fiton PD

Rreth orës 20:00 ka përfunduar procesi i numërimit të votave edhe në Bashkinë e Kukësit, ku fitues është shpallur kandidati i PD Halili me 6147 vota. Ndërsa kandidati i PS Cengu ka marrë 3441 vota.

Lezhë fiton PD
Bashkia e fundit ku ka përfunduar procesi i votimit është Lezha. Nga 24 kuti votimi që kanë qenë në total, kandidati i PD Viktor Tusha ka fituar 4933 vota, duke u shpallur edhe fitues kundrejt rivalit të tij nga PS Gjok Jaku që ka marrë 4631 vota.

Gramsh fiton PS
Sekretari i KZAZ-në Nr.15 në Bashkinë e Gramshit Gëzim Toçila deklaron se janë numëruar plotësisht 11 kutitë e votimit me 5384 fletë votimi të vlefshme, nga të cilat rezulton se ka fituar kandidati Dritan Bici i koalicionit "Aleanca për të ardhmen" me 3274 vota. Ndërsa Kastriot Zere, i koalicionit "Aleanca për qytetarin" ka marrë 1926. 184 vota kanë shkuar për Astrit Kosturin, kandidat i pavarur.

Gjirokastër fiton PS
Edhe në Bashkinë e Gjirokastrës është shpallur fitues kandidati i “Aleancës për të Ardhmen”, Flamur Bime,pas përfundimit te procesit te numërimit të votave në KZAZ-në nr 24 . Sipas sekretar i KZAZ, nr 24 Belul Hila, Bime ka fituar 6479 vota ndërsa kandidati i “Aleancës për Qytetarin”, Genc Sinojmeri ka fituar 4927 vota.

Himarë fiton PS
Edhe në bashkinë e Himarës ka përfunduar procesi i numërimit të votave, ku rezulton fitues kandidati i koalicionit "Aleanca për të ardhmen", Gjergji Goro. Sipas kryetarit të KZAZ-së nr.63, Xhevahir Çeloaliaj, kandidati socialist ka fituar me një diference prej 95 votash më shumë se rivali i tij më i afërt, Vasil Bollano, kryetar aktual i Bashkisë së Himarës, i rikandiduar nga PBDNJ. Çeloaliaj bëri të ditur se është duke u kryer formalizimi i materialit zgjedhor, i cili pritet te mbyllet brenda një kohe relativisht të shkurtër.

Përmet fiton PS
Ka përfunduar procesi i numërimit të votave në bashkinë e Përmetit, që përfshihet në KZAZ-në nr. 27. Kryetari i kësaj KZAZ-je, Zenel Jaçe, tha se kandidati i koalicionit "Aleanca për të ardhmen", për bashkinë e Përmetit, Gilberto Jaçe, ka fituar 2150 vota kundrejt 1811 vota të kandidatit Kujtim Hoxha, i "Aleancës për qytetarin", i propozuar nga LSI.

Delvinë fiton PD
Ka përfunduar procesi i numerimit te votave në bashkinë e Delevinës, ku përfaqesuesi i 'Aleances për qytetarin", Dhurim Alinani, rikonfirmohet serish kryetar bashkie. Sipas kryetarit te KZAZ nr. 64, Qazim Bobaj, kandidati i se djathtës Dhurim Alinani ka marrë 2214 vota, ndersa Dashamir Hado i "Aleances per te ardhmen", 2114 vota

Peqin fiton PD
Është mbyllur proçesi i numërimit të votave në KZAZ-në nr. 16 të bashkisë së Peqinit, nga ku rezulton fitues kryetari aktual i Bashkisë, Ilir Rrushi, kandidat i "Aleancës për qytetarin".
Kryetari i KZAZ nr. 16 në Peqin, Julian Mahahasa, tha se nga numërimi i votave për kryetar të Bashkisë së Peqinit, rezulton se kandidati i koalicionit "Aleanca për qytetarin", Ilir Rrushi, ka marrë 2607 vota, ndërsa Naim Teqja i "Aleanca për të ardhmen" 904 vota. 

Tepelenë fiton PS

Në Tepelenë ka përfunduar numërimi i të 7 kutive të votimit nga ku fitues rezulton kandidati i koalicionit "Aleanca për të ardhmen", Tërmet Peçi.Kryetari i KZAZ-së nr. 24, Behar Lulo, se kandidati i koalicionit "Aleanca për të ardhmen", Tërmet Peci, ka fituar 1741 vota kundrejt kandidatit të Lëvizjes për Zhvillim Kombëtar (LZHK), Reshat Zika, që ka marrë 1217 vota, ndërsa kandidati i "Aleancës për qytetarin", Sevo Mici, kryetari në detyrë i bashkisë, ka marrë 750 vota. 

Memaliaj fiton PS
Ka përfunduar edhe në KZAZ nr. 26 në Tepelenë, numërimi i votave për bashkinë e Memaliajt. Kryetari i kësaj KZAZ-je, Behar Lulo, tha se kandidati i koalicionit "Aleanca për të ardhmen", Lulëzim Meçi, ka marrë 1199 vota kundrejt 974 vota që ka marrë kandidatja e koalicionit "Aleanca për qytetarin", Hatixhe Qëndra.

Ballsh fiton PS

Përfundon procesi i numërimit në 8 kutitë e votimit. Kandidati PS fiton me 2316 kundrejt kandidati PD i cili ka 2136 vota.

Burrel fiton PS
Është mbyllur procesi i numërimit në Burrel. Fiton PS me 3658 vota kundrejt PD me 3119 vota. Janë numëruar 16 nga 16 kuti.

Maliq fiton PS

Ka përfunduar procesi i numërimit në Maliq. Fiton kandidati i ‘Aleanca për të Ardhmen’ me 3091 vota kundrejt kandidatit të ‘Aleancës për Qytetarin’ me 2909 vota. Janë numëruar gjithsej 7 nga 7 kuti.

Peshkopi fiton PD
Përfundon procesi i numërimit. Kandidati i PD fiton me 44 22 vota kundrejt kandidatit PS me 3013

Sarandë fiton PS
Perfundon numerimi. Kandidati i PS, Stefan Cipa fiton me 7234 vota, kandidati i PD-se, ka marre 4976 vota.

Rublik fiton PS
Përfundon numërimi në KZAZ numër 38 për Bashkinë e Rubikut. Fitues kandidati i PS Gjok Vukaj me 1419 vota kundrejt , kandidatit të PD Mark Ruci me 1087 vota.

Rrogozhinë fiton PDIU

Përfundon numërimi fiton kandidati i PDIU, Ndriçim Dushku

Rrëshen fiton PS

Në Bashkinë Rrëshen fiton kandidat i PS-së Ndue Kola, 798 vota më shumë se Gjon Deda. Numërimi përfundoi në 09.00 '

Ersekë fiton PS

Fiton kandidati i Aleancës për të Ardhmen. Fiton Alim Laho 1546 vota me 500 vota më shumë se kandidati i "Aleancës për Qytetarin" i cili ka marre 1232 vota.

Pukë fiton PD

Në Bashkinë e Pukës ka përfunduar procesi i numërimit të votave. Fitues është shpallur koalicioni “Aleanca për Qytetarin” me kandidatin e saj , Beqir Arifi. 955 vota. Pas saj vjen koalicioni “Aleanca për të Ardhmen” me kandidatin Enver Sulejmani me 902 vota, e ndjekur nga Partia Cështja Shqiptare me kandidati Astrit Hushi me 704 vota.

(m.a/d.b/BalkanWeb)



(Vota: 4 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora