E premte, 29.03.2024, 10:04 AM (GMT)

Kulturë

Demir Krasniqi: Andrra e karrieristit

E hene, 09.05.2011, 06:56 PM


Parodi humoristike rapsodike:

 

ANDRRA E KARRIERISTIT

 

Hej, seç jam tha e seç jam ter – e ,

Udhëtoj natën pa fener – e ,

Trupi mu ka mbushun vner – e ,

Tuj luftu’  për karrier – e ,

Shkruej fjalime natë për nat – e ,

Njizet faqe – referat – e ,

I lexoj n’ qytet e n’ fshat – e ,

T’ më kenë poplli sa ma ngat – e !

 

Oh, dua t’ bahëm orator – e ,

Çdo kund fjalën e marr me zor – e ,

Nuk e la kan t’ bisedoj – e ,

Tezat e mia që t’ mi rrëxoj – e ,

Me mjeshtri njerëzve u afrohem ,

Në çdo hap iu imponohem ,

Që t’ më zgjedhin kudo t’ par- e –

N’ Kryesi , a Kryetar – e !

 

Hej, njerëzve t’ mëdhaj ua di kimetin –

Me urtësi ua bajë hyzmetin !

Kama e tyne, kam qejf me m’ shkel – e ,

Më duket se po m’ përkëdhel – e !

Rri pa bukë , e rri pa gjum – e ,

Karrierën ma ka ana shum – e !

Rri n’ kontakt me gazetar – e ,

Çdo ditë m’ qesin n’ faqe t’ par- e !

 

Oh, gjatë fjalimeve derdhi lot –e ,

Më thërret poplli – patriot – e !

Patriot e guximtar – e ,

Aktivist i dorës së par- e !

Për familje gajle s’ kam – e ,

Dhe mos paçin bukë me ngran – e !

Se kur t’ mbërrijë unë në pushtet – e ,

Pres e keqi qysh t’ due vet – e !

 

Hej, n’ ma pruftë Zoti, n’ post me hyp – e ,

Kundërshtarët kam me i mbyt – e !

S’ guxon kush kryet me e ngrit – e ,

Pasha besën, ia nxjerr syt – e !

Ai që nuk mendon si un- e ,

Do t’ ia marr shpirtin me dhun- e !

S’ i jap punë, as nuk sheh drit – e ,

Der’ sa t’ del në rrugë me lyp – e !

Kush s’ më njeh si Zotin hak – e ,

Do t’i  jap burg e dajak – e !

Kush s’ më uron ditë e nat – e ,

Do t’ i  bajë dhe atentat- e !

 

Oh, do t’ më urojnë pleqtë e thmija ,

Do t’ më kapë dhe historia !

Do t’ hy n’ tela t’ çiftelis- e ,

Udhërrëfyes i gjithë njerëzis- e !

Kështu andrron karrieristi ,

Që ka zemër stalinisti !

Që të mbërrijë n’ pushtet me zor –e ,

Që ta mbajë popullin në dor- e !

 

Gjilan, më 1992.     Demir KRASNIQI



(Vota: 2 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora