Shtypi arab: Një grua e re, Presidente e Kosovës, me rëndësi për botën islamike

Një gazetë në Egjipt, "Bikya Masr", i ka bërë jehonë zgjedhjes së Atifete Jahjagës në postin e presidentes së Kosovës, duke e vlerësuar këtë si një hap të mirë për botën myslimane. "Emërimi i saj për presidente tregon besimin në rininë dhe është kombinim i dijes dhe i eksperiencës së punës. Ajo është presidentja e parë dhe më e re grua, që nuk i takon asnjë partie politike, tri vjet pas pavarësisë së Kosovës", shkruan kjo gazetë.

Emërimi i Jahjagës, shkruan më tej kjo gazetë, vjen në kohën kur shumë shkencëtarë po diskutojnë nëse një grua mund të bartë presionin psikologjik dhe fizik për të pasur një post kaq të lartë.

"Është e nevojshme për të gjithë myslimanët që të luftojnë fuqitë konservatore për të arritur fitoren e Islamit të vërtetë që përkrah gratë dhe që i konsideron ato qytetare të afta me të gjitha të drejtat", shkruan mes tjerash kjo gazetë.