Halit Bogaj: Jellow Skay

JELLOW SKAY: Viliam Velman

Nga Halit Bogaj

Jellow Skay / është film i Viliam Valmanit i cili doli në vitin 1948 dhe u prit me interesim të madh, aq më tepër se në të paraqiteshin aktorët e shquar:Gregori Pek, Riçard Vidmark dhe An Bakster, tre emra të paharruar në mbarë kinematografinë amerikane të cilët na dhuruan edhe filma të tjerë antologjik. Edhe ky film është i zhanrit uestern, të cilin e bën të shquar edhe muzika e kompozitorit Alfred Njumen. Në film kemi një dekor të madh të natyrës së paskajme në një lendinë të braktisur ku fjalën e saj të fundit e tha edhe fotografia madhështore e Xhozef Mek Donaldit.Shumë plane të filmit janë të pajisura me një modernitet të paparë të cilat më vonë e kanë mahnitur edhe regjisorin Sergjo Leone për filmat e tij të paharruar.Në kujtesë të përhershme na ka mbetur edhe dyluftimi i dy kryeprotagonistëve kryesorë/Gregori Pek dhe Roçard Vidmark/ por nuk mund ta lëmë anash as lojën maestrale të An Baksterit, e cila është e pajisur me feminitet specifik dhe me ndjenja të fuqishme erotike ndaj Xhems’’Streç’’ Davsonit/Gregori Pek/,i cili ishte shef i bandës e cila e kishte plaçkitur bankën dhe ishte vendosur në një shkretëtirë në vendin e quajtur’’Jellou Skaj’’ku e kishin takuar edhe vajzën Mike/An Bakster/ me gjyshin e saj/Xhejms Barton/.

Midis Dud /Riçard Vidmark/dhe Streç/Gegori Pek/ lind konflikti për udhëheqjen e bandës por edhe për shkak të simpative ndaj femrës pët të cilën folëm më lart.