Zemra Shqiptare

  https://www.zemrashqiptare.net/


Pëllumb Gorica: Pak frymë vendlindjeje

| E hene, 21.03.2011, 07:33 PM |


PËLLUMB GORICA

 

PAK FRYMË VENDLINDJEJE

     

Për vendlindjen shpalos këngë të padukshme ylberesh,

Ku gjithë brigjet janë krahët e gjelbër të jetës sime.

Me dëshira e peripeci qiellore si retë lozonjare kope delesh,

Unë flas me erërat me gjuhën e përmalltë të së shkuarës.

 

Në ëndërr të jam qepur me trokitjet e zemrës sime,

Si pjesë e një sinfonie, që s’më le asnjëherë të varfër.

Çdo orë, çdo ditë, çdo vit, në mëndje pa grimë ligësie,

Qiejt e tu ndjellës më bëhën vëllezër prej ajri të kaltër.

 

Në lëndiinat e tua të këngëve jam zëri i pranishëm,

me ëndërra e mëngjese magjie të fjalës së mirë,

Mbrëmjet i prekë me dorën e ngrohtë të zemrës

Dhe i bëj në fjalë të çelin bukurisht si trëndafilë…

 

Je ëndërr e zhgjëndërr ti, Sulova ime

Për mua mal i lartë, me shpresa e zhgënjime.

Lumenjtë e mallit tashmë puthen me tokën

kur nisa hareshëm kuvendin me këngën time.

 

Në kalanë e Kulës diejt mburoja ilire kanë ngjeshur…

Sytë seç me shkojnë kur jam atje çdo mëngjes

Fëmijëria iku e unë moshën s’e mat më me vite…

Tashmë në udhët e Tiranës hija jote më ndjek pas.

 

11  MARS 2011  DITËT POETIKE TË  KARADAKUT,  KUMANOVË