Demir Krasniqi: Moj Kosovë ty tu shtoftë rrita

MOJ KOSOVË TY TU SHTOFTË RRITA

Moj Kosovë, ty , tu shtoftë rrita –

Gjithë çka pate – unë t’i  shita !

Gjithë çka pate – unë t’i  vodha ,

Shumë miliona , unë i mblodha !

Shita tokë, shita fabrika ,

Prej trimërisë , e jo nga frika !

Përfitova n’ shumë tender

Dhe u bëra milioner !

S’ lash fabrikë, as s’ lash zabel ,

Për pa e hapë nga një hotel !

Aty vijnë e hanë shumë banda ,

Aty lulëzon kontrabanda !

I punësova miq e dajë ,

Kam hotel n’ Durrës e n’ Kavajë ,

N’ Antalia dhe n’ Dubaj ...

Fukarasë nuk iu kam faj !

S’ ma ndien qoshja për fukara –

Nuk i jap as pesë para !

Për punëtorë që mbeten n’ rrugë –

Lutëm , unë, bëre Zo’  llugë !

Paguaj rrymën – po thotë shteti ,

Ua pres telat – e shes n’ gjeti !

S’ mund t’ ua marr paratë me zor –

Le t’ blejnë qirinj e gjenerator !

As për ujë , unë, hiq s’i  luti ,

Kush s’ paguan – gypat ua këputi !

Edhe nxehjet dimrit ua këputi ,

Se shumë shtrenjtë kushton mazuti !

Me ekspert  po bisedojmë –

Se si ajrin t’ a  reduktojmë  ?!

Mos t’i lamë as me marrë frymë –

Fukaraja le t’ vdesin n’ brymë !

Gjilan, më 11.03.2011.      Demir KRASNIQI