Kozeta Zylo: Nxënësit pres…

Nje kujtim me klasen kujdestare, nga gjimnazi i Cajupit, ne diten e 7 Marsit ne malin e Dajtit, 1996

Kozeta Zylo

Nxënësit pres…

(Në kujtim të 7 Marsit)

Thellë zemrës një dashuri,

Belbëzon shpirtit kulluar,

Në këtë mbrëmje nostalgji,

Më puth Hëna drithëruar.

Dhe vjen mëngjesi përmbi vesë,

Pa degë mimozash nëpër duar,

Çdo 7 Mars nxënësit pres…,

Me lotë malli, pikëlluar.

Më vini shpesh me krahë magjie,

Të butëzën fjalë sillni pranë,

Ç’m’i flladisni sot mendimet,

Si krahë pulëbardhash mbi oqean.

Eshtë kaq e dhimbshme të jem pa ju,

Sa mjegullohet çdo gjë që ndrin,

Ditë e mësuesit rëndon këtu,

Bashkë me hartimet mbi tavolinë...

Eci Nju Jorkut kuturu,

Me Korçën lule nëpër shpirt,

Në bebëzën e syrit jeni ju,

Dhe me hartimet që bëj flirt!

Dhimbja e prushtë brenda meje,

Psallm deliri sjell mahnitur,

Vetëm me një mimozë Tirane,

Ka të ngjarë, t’ju kem papritur…!

New York

7 Mars, 2011

Me nxeneset e gjimnazit 50 Vjetori Tirane Midis nesh artistja e popullit Margarita Xhepa dhe disa aktore te tjere