Kulturë
Demir Krasniqi: Babi, kur po ma blenë një biçikletë
E diele, 20.02.2011, 07:39 PM
Këngë kurbeti:
BABI, KUR PO MA BLENË NJË BIÇIKLETË ?
E la nënën n’ prag të derës ,
E la nusen si lule t’ pranverës ,
Një djalë t’ vogël e la n’ djep
Dhe u nis ai për kurbet .
Kur u nis për kurbet të zi –
Fort e puthi djalin e tij !
Pika lotësh mbi f’tyrë vërshiu –
Thua se binin riga shiu !
-Si t’ia kthej shpinën fëmijës ,
Si t’ia kthej shpinën shtëpisë ,
Si t’ a la vatrën t’ vetmuar ,
Nënën , gruan të pikëlluar ?!...
Sytë me lot të mjegulluar ,
Me kokë mbrapa duke shikuar –
Kah qilari i shkatërruar ,
Kah vatra e mjeruar ...
Iu afrua nënëlokes së vet
Dhe diçka në vesh po i flet
Për djalin që e la në djep –
Po ia len një amanet:
“Ruama djalin , mori nënë,
Pashë atë gji që ma ke dhënë !
Mos t’ ma marrin nëpër këmbë –
Se po shkoj n’ kurbet të rëndë ”!
U nis djali për kurbet –
Shkuan shumë muaj e u banë shumë vjet !
Nëna e gruaja mbeten n’ pritje ,
Djali n’ lojë edhe në rritje ...
Djali u rritë dhe filloi të flas –
T’ parën fjalë mësoi “Nënë” të thërras !
T’ dytën fjalë mësoi të thërras “Gjyshe” –
Eja t’ luajmë si dallëndyshe !
II.
Një ditë duke lozur me fëmijët tjerë n’ livadhe –
E pa se i mungonte një fjalë shumë e madhe ,
Që s’e kishte mësuar t’ a shqiptojë hala ,
Ai, kurrë s’ kishte dëgjuar për fjalën “Baba!”
Kur u kthye në mbrëmje ishte mbushë me mall –
Gjyshja , mezi priste t’ ia tregojë një përrallë !
Nipi i tha gjyshes – në gjumë sa s’ kam ra ,
Më trego të lutëm : ”Kujt i thonë “Baba?!”
Gjyshja ,nga kjo pyetje u pre si në shpatë ,
Por , nipi këmbëngulte s’e linte rehat !
Gjyshes nga kjo pyetje pika desh i ra –
Gjyshe , m’ trego t’ lutëm, a kam unë baba?!
-Po, more bir i lokes , paç jetë e shëndet ,
Ti, e ke babanë , por ai është në kurbet !...
Kur të kthejë babai nga kjo rrugë e shkretë –
Do t’ blejë rroba t’ bukura dhe një biçikletë!
Djali, prej merakut shumë net mbet pa gjumë –
Ëndërronte babanë , që do t’ a dojë shumë!
Ëndërronte babanë , që do t’i kthehet shpejt –
Me rroba të bukura dhe me biçikletë!...
Një ditë si në ëndërr e pa babanë e vet ,
Por ai, nuk mund t’ kthehej nga i ziu kurbet !...
Dhe kur erdhi koha prej tij për t’u ndarë –
Djali nuk iu ndante gjithnjë duke qarë !
-Babi , kur do t’ kthehesh nga i ziu kurbet
Dhe kur po ma blenë atë biçikletë ?
Babi , më trego të lutëm, kur po vjen,
Ato rroba t’ bukura, ti, kur po m’i bien ?!
-Kur të vije babai - rrobat do t’i bien ,
Dhe një biçikletë - babai do t’ a blenë !
Do të jesh i lumtur edhe ti n’ këtë jetë –
Po sa t’ kthej babai nga i ziu kurbet !
Maj 1986,
Demir KRASNIQI