E shtune, 15.08.2020, 06:42 AM (GMT+1)

Editorial » Shkreli

Frank Shkreli: Fjalimi i presidentit Obama mbi gjëndjen e kombit

E enjte, 27.01.2011, 08:16 PM


Fjalimi i presidentit Obama mbi gjëndjen e kombit

 

Nga Frank Shkreli

 

Presidenti i Shteteve të Bashkuara Barak Obama mbajti mbrëmë  fjalimin e tij të dytë mbi gjëndjen e kombit, fjalim ky i përvitshëm gjatë të cilit presidentët amerikanë shpalosin nisma të reja në politikën e mbrendshme dhe të jashtme si dhe në programet ekonomike.

Zoti Obama bëri thirrje për bashkim politik, duke thënë se cdonjëri është pjesë e familjes amerikane, të bashkuar si popull që ndanë shpresa dhe besime të përbashkëta. Ai tha se sfidat me të cilat përballet vendi, janë më të mëdha se interesat e partive politike ose vet politika.

Ai bëri thirrje për investime në novacione, hulumtime, zhvillim dhe infrastrukturë, duke përfshirë teknologjinë për energji të pastër.  Por ai tha gjtihashtu se vendi duhet të marrë përsipër përgjegjësinë për të ulur deficitin buxhetor dhe për të reformuar qeverinë federale.

Zoti Obama tha se gjatë dy vjetëve të kaluara, Shtetet e Bashkuara kanë filluar ri-ndërtimet për shekullin e 21-ët, por ai propozoi dyfishimin e këtyre përpjekjeve. Ai ritheksoi objektivin për dyfishimin e eksporteve amerikane deri ne vitin 2014, duke thënë se shtimi i eksporteve do të thotë më shumë punë për amerikanët.

Ai bëri thirrje për një qeveri federale më të aftë dhe më efkase duke thënë se në muajtë e ardhëeshëm administrata e tijë do të shpalosë propozime për konsolidime dhe ri-organizime të enteve të ndryshme të qeverisë federale.

Ne lidhje me politikën e jashtme, Presidenti Obama tha se Shtetet e Bashkuar duhet patjetër të mundin armiqët e tyre dhe të vazhdojnë të mbeten udhëheqës  në botë për ata që dëshirojnë të jetojnë në liri, në drejtësi dhe me dinjitet.

Ai shtoi se Shtetet e Bashkuara mbajtën premtimin e tyre në Irak, duke thënë se lufta në atë vend është duke marrë fund dhe se Shtetet e Bashkuara do të tërhiqen së andejmi pasi niveli i dhunës ka rënë dhe ndërkohë është formuar një qeveri e re. Zoti Obama tha gjithashtu se Shtetet e Bashkuara po vazhdojnë luftën kundër al-Qaidës dhe se më në fund do të mundin këtë grup terrorist.

Ai lavdëroi përpjekjet e forcave dhe civilëve amerikanë në Afganistan duke thënë se në të ardhmen do të ketë luftime të ashpëra, por në të njëjtën kohë Shtetet e Bashkuara janë duke ndërtuar një partneritet të qëndrueshëm me popullin afgan. Ai shtoi se këte vit, Amerika së bashku me 50 vende të tjera, do të fillojë të kalojë përgjëgjësitë e sigurimit forcave afgane dhe se në Korrik të këtij viti do të fillojë të këthejë në atdhe forcat amerikane.

Presidenti Obama foli edhe për gjëndjen në Iran dhe në Korenë e Veriut dhe lavdëroi ligjvënsit amerikanë për aprovimin e Traktatit Start, për pakësimin e armëve bërthamore, me Rusine. Në lidhje me Iranin, ai tha se Teherani përballet me sanksione më të forta si përfundim i përpjekjeve diplomatike për të detyrua Iranin që të plotësojë obligimet e tij. Ai tha gjtihashtu se Shtetet e Bashkuara do të qendrojnë pranë aleatës së sajë Koresë së Jugut dhe nguli këmbë se Korea e Veriut duhet të heqë dorë nga fabrikimi i armëeve bërthamore.

Gjatë fjalimit mbi gjëndjen e kombit, Presidenti Obama tha se së bashku me aleatët evropianë, Shtetet e Bashkuara ri-përtrinë NATO-n, përcaktuan rishtas marrëdhënjet me Moskën, forcuan lidhjet me aleatët aziatikë dhe vendosën lidhje të reja partneriteti me shtete sic është India.

Presidenti Obama tha se ka ardhur koha që të lëmë pas  përcarjet e ndasitë politike të së kaluarës e të shkojmë përpara si një komb. Ai shtoi se amerikanët nuk duhet të kenë asnjë illuzion se puna që na pret, sipas tij, ështe e vështirë dhe e gjatë. Ai tha se pa marrë parasyshë se nganjëherë sistemi i demokracisë amerikane mundë të duket si shumë i polarizuar dhe i rrëmujshëm, ai nuk njeh asnjë ligjvënës të Kongresit amerikan i cili do të dëshironte të ndërrohej me ndonjë vend tjetër. Ai vazhdoi duke thënë se ligjevënsit mund të kenë pikëpamje dhe opinione të ndryshme poltike, por të gjithë besojnë në ëndrrën Amerikane dhe në të drejtat e garantuara nga Kushtetuta Amerikane.

Zoti Obama përfundoi fjalimin e tij mbi gjëndjen e kombit duke thënë se c’prej themelimit të këtij vendi, Amerika ishte dhe është vendi i njerëzëve që marrin guximin të ëndërrojnë dhe si rrjedhim, Amerika do të fitojë edhe në të ardhmen. Dhe sonte, shtoi ai, më shumë se dy shekuj më vonë, populli amerikan është arsyeja që e ardhmja e kombit amerikan është plotë shpresa dhe gjëndja e vendit është e fortë.

është traditë që pas fjalimit të presidentit, të pasojë fjalimi i përfaqsuesit të opozitës, që kësaj radhe ishte deputeti republikan nga shteti Uiskonsin, Zoti Pol Rajën. Zoti Rajën, që ështe një yll i ri i Partise Republikane, akuzoi administratën për shpenzime të tepërta dhe tha se vendi duhet “të gjejë një rrugë të re” e jo të varet nga burokracia e qeverise federale për të mbështetur novacionet, përballimin e konkurrencës dhe përcaktimin e zgjedhjeve të konsumatorëve. Ai akuzoi Presidentin Obama se po e con vendin drejtë falimentimit financiar, duke thënë se nëqoftëse nuk jemi të kujdessëshëm, shekulli ynë më i mirë do të jetë shekulli i kaluar.



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora