E premte, 29.03.2024, 06:18 AM (GMT)

Kulturë

Vangjush Ziko: Gurët vendlindjes

E marte, 25.01.2011, 07:45 PM


Vangjush Ziko

 

GURËT E VENDLINDJES

 

 

SKËRKA E DRENOVËS

 

Ta mendosh!

 

Këta gurë

kanë qenë lavë e butë,

zjarr përvëlues.

 

Sot!

qiellit i luten

t' i zbusë.

 

I gëzohen një gjembi...

një fije bari...

një drize të shtrembër...

një patkoi kali...

 

Faqet e tyre të hirta

qajnë,

kullojnë.

 

Nën këto rrëpira

jetë

rënkojnë.

 

Skërk' e Drenovës,

varrezë e kohëve.

 

Kërkon

të rilulëzojë.

 

 

MADEMI I SHTUFIT

 

Këtë shtuf

me gisht

e gërvisht.

 

Me daltë

bëj qoshe shtëpish.

 

E thërmoj

dhe e shtroj,

gur pragu latoj.

 

Trajtë merr

në ky djep

i shtuftë

rrëzës së tij

të gurtë

ky qytet.

 

Ky qytet-madem

Njerëz rrit

me zemër të butë.

 

 

GURI I POLENËS

 

Ky gur

ka prej gjaku damarët

Gatuar së toku

me gjeth të tharë

borziloku.

 

Epokash gjeologjike ngjeshur

Dhe thundrash

të historisë.

 

Gur për tempuj

dhe piedestal të lavdisë.

 

Gur i parë.

Gur i përjetshëm.

I pavdekshëm.

 

Për varr

të të kisha

do desha.



(Vota: 3 . Mesatare: 4.5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora