E shtune, 08.08.2020, 11:05 AM (GMT+1)

Editorial

Thanas L. Gjika: Kush mund ta shpëtojë Shqipërinë

E diele, 23.01.2011, 08:59 PM


Kush mund ta shpëtojë Shqipërinë

 

Nga Dr. Thanas L. Gjika

 

Eshtë shprehur këto ditë ideja se shpëtimi i vendit do të vijë prej rinisë shqiptare të edukuar me frymë Euro-Atlantike në universitetet e vendit dhe jashtë. Për këtë thuhet se kjo rini duhet të organizohet dhe të dalë si forcë politike për të drejtuar pakënaqësinë e popullit e për të krijuar Shqipërinë demokratike europiane…

Por rinia shqiptare as ka dalë e as mund të dalë si forcë politike e pavarur për të drejtuar shoqërinë shqiptare. Përderisa në politikën shqiptare do të kemi në krye njerëzit e lidhur me ish nomenklaturën komuniste, të cilët i projektoi si lob politik Ramiz Alia, thirrje të tilla do të mbeten vetëm thirrje te paefektshme, sepse pa prerë kokat e gjelave të vjetër, nuk mund të këndojnë këngën e tyre gjelat e rinj.

Sherret, grindjet e fyerjet prej rrugacësh që dëgjojmë në parlament prej të dy forcave politike, organizimi i demostratave popullore jashtë regullave të lojës demokratike: forcat e PD-së disa vjet më parë me arkivolin e Azem Hajdarit goditën derën e Kryeministrisë, sot forcat e PS-së të pajisura me gurë e shkopinj sulmuan Kryeministrinë e policinë, tregojnë se të dyja palët ecin sipas projekteve të Katovicës. Ato bëjnë vetëm zhurmë, trazira, mashtrime, vjedhje, për të pasuruar ish komunistët e besnikët e tyre.

E kemi thënë dhe herë tjetër, po e themi edhe sot: Pjellat e inkubatorit komunist nuk dijnë c’është pozita e opozita. Shqipëria do të gjejë qetësinë dhe do të marrë rrugën e mbarrë drejt Europës kur të vijnë në pushtet forcat e vërteta opozitare të Komunizmit, pra ish nacionalistët, ish të përndjekurit e ndërgjegjes, të shpronësuarit…

Mbasi të happen dosjet, midis bijve të këtyre forcave mund të gjejmë ata bij e bija të denjë për të na qeverisur si duhet, mjaft më me bijtë dhe besnikët e ish nomenklaturës komuniste, të cilët korruptojnë dhe manipulojnë cdo pushtetar e opozitar!



(Vota: 6 . Mesatare: 4.5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora