Engjëll Koliqi - Poezi të 12 nëntorit 2010

NË FUNKSION TË DASHURISË

 

Që nga mëngjesi deri në mbrëmje

Edhe n’ëndërrat e natës

Kudo që jemi

Unë edhe mbretëresha

Me çdo lëvizje

Dhe me çdo gjest

Jemi në fuksion të dashurisë

Duke i shërbyer mirësisë

Në çdo qenie të njerëzisë

                        Garlate (Lecco), 12 nëntor 2010

 

NË ECJEN TONË

 

Edhepse stinët ndryshojnë

Ne kemi ritëm të njëjtë

Me fuqi të dashurisë

Të shoqëruar nga këngët e krenarisë

I këndojmë hymne mrekullisë

                        Garlate (Lecco), 12 nëntor 2010

 

TË GJITHË BASHKË

 

Mos mungoni asnjë nga ju

O njerëz vullnetmirë

Eni të gjithë

Bashkë ta kultivojmë dashurinë

Në pranverën e re

Të jetës së ëmbël!

                        Garlate (Lecco), 12 nëntor 2010

 

NËPËR FAQET E HISTORISË

 

Oh sa bukur

Dhe shumë këndshëm

Me ngjyrat ylberore

Qëndisim rrëfime të bukura

Dhe t’amshuara

Të dashurisë

                        Garlate (Lecco), 12 nëntor 2010

 

NË TË GJITHË HAPAT

 

Me të lumen mbretëreshë

Marshojmë fuqishëm

Me ritëm

Dhe në shërbim dashurie

Për të siguruar kënaqësi

Për ne

Për mbretërinë tonë

Dhe për mbarë njerëzinë

                        Garlate (Lecco), 12 nëntor 2010

 

LIGJE DASHURIE

 

Janë ligjet e dashurisë

Që mua edhe mbretëreshën

Gjithherë na bëjnë t’ëmbël

Të pashëm kudo

Dhe të vlefshëm

Për mbretërinë

Për kohën

Për njerëzinë

...

                        Garlate (Lecco), 12 nëntor 2010

 

NË ZHURMAT E STINËS

 

Njëri i bie thumbit

Tjetri patkoit

Nuk merren vesh mes veti

As me masën

Në shërbim të intereseve

Njollosin politikën dhe diplomacinë

Vazhdojnë të këndojnë

Dhe në fund kuptohen

Vetëm kur humbjen vajtojnë

                        Garlate (Lecco), 12 nëntor 2010

 

FJALË PAS FJALE

 

Bëhen tregimet

Dhe përrallat e ngrohta

Për të shijshmen lumturi

Fjalë pas fjale

Nxehen zemrat

Dhe ndezen motorët e dashurisë

                        Garlate (Lecco), 12 nëntor 2010

 

N’ATË MBRETËRI GËNJESHTËRASH

 

Secili e gënjen secilin

Shpeshtohen dhe zbulohen komplotet

Edhe padashje

Vijnë edhe tragjeditë

...

                        Garlate (Lecco), 12 nëntor 2010

 

SIPAS GAZETAVE

 

Atje në tokat e tyre

E dijmë që ka jetë

Por mes problemesh

Dhe vështirësishë

Dalin shumë gënjeshtëra

Dhe gërrithet dashuria

Historia mbushet me përralla

Zhvillohen edhe luftëra...

                        Garlate (Lecco), 12 nëntor 2010

 

ME IDENTITET DASHURIE

 

Jemi të njohur

Dhe të pranuar në gjithë botën

Depërtojmë në të gjithë relievet

Dhe në të gjitha zemrat e njerëzve

                        Lecco, 12 nëntor 2010

 

NË QETËSINË E DASHURISË

 

Lëshohemi krejtësisht

Të sigurtë

Në njëri-tjetrin

Me çelës të mirësisë

Na është hapur dera e lumturisë

-

Gëzuar!

                        Lecco, 12 nëntor 2010

 

Ç’MUND TË BËJMË?!

 

Në këtë stinë

Unë edhe mbretëresha

Kemi përgjegjësi të mëdha

Për mbarë njerëzinë

-

Në procesin e bekuar të dashurisë

Ç’duhet të bëjmë

Dhe ç’mund të bëjmë

?!...

                        Lecco, 12 nëntor 2010

 

SI TERM KRYESOR

 

Në fjalorin e regjimit

Dhe në përditshmërinë tonë

Si term kryesor

Kemi fjalën me emrin dashuri

-

Në mëngjes themi dhe bëjmë dashuri

Në drekë themi dhe bëjmë dashuri

Në darkë themi dhe bëjmë dashuri

-

Dashuria është termi kryesor i përditshmërisë sonë

Dashuria është formula unike e jetës sonë

                        Lecco, 12 nëntor 2010

 

DUKE IKUR

 

Shumë fjalë i kishin rrëshqitur

Dhe i kishin rënë

Këndej në relievin tonë

Dashurinë na e kishte sulmuar

Duke dashur të na i vrasë stinën

Vitet dhe shekujt

E mbarë historinë

Ishte penguar dhe kishte humbur jetën e vet

                        Lecco, 12 nëntor 2010

 

KOORDINATORË DASHURIE

 

Me përqafime

Me puthje

Dhe me gjeste t’ëmbëla

Unë edhe mbretëresha

Këtu në fron

Dhe në të gjithë relievet e mbretërisë

Jemi organizatorë t’akteve

Drejtues

Dhe koordinatorë dashurie

-

Gëzuar!

                        Lecco, 12 nëntor 2010

 

PLOTËSI

 

Froni ynë

Dhe të gjithë relievet e mbretërisë

Janë plot me mirësi

Shumë kopshte lëumturie ka

Në të gjithë relievet

Mbushur plot me valle dashurie

                        Lecco, 12 nëntor 2010

 

PARIME DHE VESE

 

Ne me parime dashurie

Ëmbëlsojmë dhe lulëzojmë pranverën

Ata andej

Me nëmijenjë vese

Tërbohen e lodrojnë në rrathë t’intereseve

Jeta vazhdon

Me ritëm, të realitetit

...

                        Lecco, 12 nëntor 2010

 

ËMBËLSIA E DASHURISË SONË

 

Ka përfshirë mbarë stinën

Në të gjithë relievet

Jo vetëm me fjalë

Por edhe me veprime konkrete

Me të forta përqafime

Dhe me serinë e pambaruar të puthjeve

                        Lecco, 12 nëntor 2010

 

VETËM FJALË

 

Gjithçka thonë andej

Mbeten vetëm fjalë

Dhe gjurmë kotësishë

Në të përjetshmen histori

Asnjë veprim

Asnjë lëvizje përpara

Vetëm fjalë

                        Lecco, 12 nëntor 2010