E diele, 27.09.2020, 02:18 AM (GMT+1)

Kulturë » Berisha

Sejdi Berisha: Kjo qerre e kalbur rrugëve

E premte, 01.10.2010, 09:21 PM


Sejdi BERISHA:

 

KJO QERRE E KALBUR RRUGËVE

 

1.

Shkronjat e humbura m’i kërkon

Kjo letër

Që në dorë më ka mbetur

Këngën e ndrydhur

Fjalën e lotit

Ma kërkon

Nëpër rrudhat e kohës

Shikimin e tretur

Gjethin e vjeshtës

 

2.

Po ku t’i marrë unë i gjori

Ec e mblidhi të gjitha

Në këtë letër

Kur bota më është humbur

Dita

As në ag as në terr

Jeta

Kjo qerre e kalbur rrugëve

Me tundë sa andej sa këndej

Unë vetëm këndoj

Brenda vetvetes

Kurse zjarri i zemrës

Ngadalë më djegë

Ama shumë ngadalë

Si qiriu me dritën e harxhuar

 

3.

Prekeni letrën time të lagur

Se lumi po rrëfen për dhembjen

E klithma e natës

Është  pa gjurmë

Por rrugëve

Me lehje qeni ua ka mësuar melodinë

 

4.

Sa më ngazëllen kalliri i grurit

Për verën e mbarë

Sa më tremb

Tharmi i ankthit tim

 

5.

Kur vjen pranvera

Vargjet m’i kthen dikush

Atëherë kur më ikën letra

Çfarë pabesie është kjo

Edhe atëherë

Kur lulet qelin mbi gur

 

6.

Aromë është jeta

Krejt e pa definuar

Por mos e mallkoni

Këtë rrëqethje time

 

7.

Eh

Kjo qerre e kalbur rrugëve

Tharm i dhembjes



(Vota: 9 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora