Poezi nga Vehbi Klaiqi

Vehbi Klaiqi

Blini  plak

Pa mëshirshëm na ndau jeta

Blinushi im

Ti mbete vetëm

Unë ika në perëndim

Përveç foleve

Rrënjët tua ruajnë shumë fshehtësi

Kulla besnike

Nga kurora jote

Nuk do të hapet kurrë

Që fshehtësitë të mbeten fshehtësi

Vetëm për mua dhe ty

Unë ika nga Atdheu

Ti mbete në vetmi

Blinushi  im

Shumë furtuna kaluan mbi ty

Vringëllima armësh

Krenari të rreme të armiqve

E çka nuk përjetove o i miri im

Ika nga ky pejsazh hyjnor

Me frikën se s’do të shoh më

O bukurosh

Të gjeta

Prapë të takova

Miku im

Ndërsa gjyshi me qelibarin

Kishin vajtur në amshim

Nën lëkurën e blertë

Ruaj kujtimet e mia

Ndërsa

Gjakun ta dhuroi

Që të rrjedh gjatë

Damarëve tu të përjetësisë

Korrik/2010

Poezisë

Në prehrin tënd

Edhe dhembjet pushojnë

Mbretëresha ime

E vetmja ti ëndrrat mi kupton

Askush s’mund t’më shëroi

Nga dashuria për ty

Virgjëresha ime

Kënga mund të mos jehoi

Oqeani të shterroi

Hëna t’mos ndriçoi

Por dashuria për ty

S’mund t’pushoi

Kjo natë ekstazë

Plot ëndrra

Ëndrra

Për

Poezi dhe dashuri

E kot çdo përpjekje

Për  të bind ty

Besoj se këtë e kupton

Nga

Sytë e mi

Korrik/2010

Kroi im

Sa buzëve etjen ua shove

Dashurinë sa vashave ua more

Plagët sa trimave ua shërova

Ngjyrat e ylberit

Që te ti ujë pinë

Gjerdan rreth qafe të rrinë

A e mban mend

Stërgjyshin me dymbdhjetë

plagët në gjoks

Nga Jemeni i largët

Po gjyshin me plagët stoli nga Tivari

Dimrin e madh “t’otkupit” e di me siguri

Kur fatkeqi u var n’qershi

E di ti të gjitha i di

Por s’rrëfesheh për histori

Të harruar

Në skaj të botës

Vetëm freskia jote më bën të lumtur

Katroshi im kroi im

Korrik/2010

Sekret

Ai që zbuloi dashurinë

Nuk shpëtoi nga zjarri i saj

Kush formoi fshatin dhe kanunin

U dënua në fshat me kanun

Ai që lulen e zbuloi

Ngjyrë e saj e verboi

Ata që prijësve u dhanë urtësinë

Për vete fituan robërinë

Kush n’zemra të huaja zjarr shkakton

T’veten n’prush e përvëlon.                                              

Vehbi Klaiqi, Dardanë, Kosovë

Korrik/2010