Kadri Mani: Mustafë Bunjaku - Martir i Demokracisë

Mustafë Bunjaku me bashkëshorten e me Gëzimin, bir hasreti me 8 motra

Kadri Mani

MUSTAFË BUNJAKU-

MARTIRI I DEMOKRACISË

(Mustafë Bunjakut të torturuar nga UDB-a,

i cili vdiq në spitalin “REBRO” të Zagrebit

5.5.1936-30.8.1990), ku e shtruan vëllezërit

Kuzhnini

O tek lenë dielli-o e praron hana

Mustafë Bunjak-o ma nuk ban nana!

Miku për mikun borxh e ka n’këmbë t’çohet

Të tillë të patëm edhe çdokush të detyrohet!

O urrejtjet krahpërkrah-o t’i përballojnë-e

Sot e nesër tok t’qajnë ose të këndojnë-e

O ato tradita që kultivuam ndër konaqe

Bashkëshortja ime-motra jote lotpërfaqe!

O fort na lidhën-o për gjallje e për vdekje

O ashtë vlerëlarta që arrihet me përpjekje!

Ushtojnë veshët tanë n’pikëllim e në vaje

Kështu në familje, fqinjësi dhe ndërmarrje!

O t’kujton Ndërmarrja jote “Ramiz Sadiku”

Ishe ndihmaqar ndaj çdo punëtori dhe miku!

O njato sjellje-o  barten te nipi e mbesa

Ushqeve t’uritur me krahë e me shpresa!

O ashtu i pranishëm do të jesh pa pushim-e

O tatë e gjysh, shok e mik, sot e në amshim-e

O po të thërret gruaja-o me ta pa çehrën

O s’pate nënën-o që ta sajdis-o vjehrrën!

O të thërrasin bijat-o me ta hangër korën

O po të thërret reja-o me ta marrë dorën!

O mbi trupin tënd t’çeliktë bënë beterin

O me kërbaçë-o bre ta futën kancerin!

O kur të pa-o se po të qet gjak thembra

O babës plak-o bre se ç’i plasi-o zemra!

O kur e pa-o se s’po i ndihmonte dot djalit

O në vegime pa-o bre kaçakët rreth malit!

O pse u tremeben-o bre berrat-o me becin

Panë kaçakët Lushin-Veselin-Ajetin e Shyt Marecin!

O po të thërret Gëzimi-o bre i vetmi djalë

O kurrë n‘jetë t’vet-o s’ta ka dëgjue një fjalë!

O moj Serbi-o ty të plaçin të dy sytë-e

O po a s’e di-o bre se kë pate mbytë-e!?

O e pate mbytë-o bre ti një bonjak-e

O që kurrë n’jetë-o nuk të pati hak-e!

O një kujtim-o ngelet te vatra e te hini

Një mirënjohje-o vëllezërve Kuzhnini!

O sa t’jetë jeta-o bre për me jetue

O emri juaj-o kurrë s’ka me u harrue!