Kadri Mani: Pleqnarja Fatime Gjata

Kadri Mani

PLEQNARJA FATIME GJATA

O tek lenë dielli-o e praron hana

Fatme Gjatë-o ma nuk ban nana!

O Anton Çetta po rrahte telin

Në Besianë po e çon haberin!

Fatime motër a po më dëgjon?

O Anton Çetta jam në telefon!

O a po vjen shpejt-o në Bellopojë

Se m’kanë vënë-o fort keq në lojë:

-“Kush je ti-o bre që kërkon paqe?

O që të t’i falim ne-o katër gjaqe!?”

-O Anton Çetta jam-o ore dai,

Kërkoj paqe-o shtëpi më shtëpi!

Se e kemi-o një armik të zi

O ajo është-o shtriga Serbi!

O ka përhap-o shumë munafiki

Që popullin tonë-o po do ta zhbi”!

Vrapon Fatimja-o, Shota e Llapit

Tym e mjegull-o po shkon sokakut!

O hyn në odë dhe ulet këmbëkryq

O dhe ia fillon t’jua bajë një gjyq:

O kush ashtë këtu-o bre zot shtëpie?

Që t’i vëmë-o punët bashkë përfije!

O mospërfillja-o e Bacë Antonit,

Shkon n’interes-o bre të dushmanit!

Kush po ju shtin-o mos me i falë gjaqet?

O kanë për qëllim t’ua fikun konaqet!

Dhe Fatimja me psikologjinë e suksesit,

Jua shleu vrik edhe grimcat e vesvesit!

O u ngrit plaka-o e sëmurë nga shtrati,

Jam e sëmurë-o më ka lëshue takati!

O por po e hetoj nga vjen taksirati,

O këtu vlen urtësai-o edhe jo inati!

Fëmijët jetimë-o neve na kanë mbet,

Por të ngujuar-o ngelim krejt shkret!

O bija ime-o moj Fatime Gjata,

Gjuha jote më e mprehtë se shpata!

Ma kthyen mendjen-o në tjetrën anë

Nipa e mbesa pa shkollë mos me i lanë!

O Fatime Gjata-o si Marije Shllaku

O hallall gjaqet-o nuk u fik oxhaku!

Fatme Gjata vështron maje kreshtës

O dora e djathtë-o e Anton Çettës!