Asllan Dibrani: Shaban Polluzha trimi dhe heroi legjendar me synime për Bashkimin Kombëtar

Shaban Polluzha trimi dhe heroi legjendar me synime për Bashkimin Kombëtar

 

Nga Asllan Dibrani

 

Pushtuesit serb, prej se okupuan Kosovën, më 1912 e këndej, ndoqi  një politikë të shfarosjes së shqiptarëve, duke i persekutuar,vrarë dhe djegur, duke i torturuar dhe masakruar në mënyrë individuale e kolektive dhe, më në fund, duke i vrarë dhe duke hapur varre të panumërta .

 

Një politikë  e tillë nuk pushoi asnjëherë, por përkundrazi, erdhi duke u bërë gjithnjë më e egër, politikë xhelatësh dhe okupuese. Nga viti 1912 e deri me sot, mund të thuhet se asnjë qytet, lokalitet, fshat a shtëpi nuk mundi t’u shpëtojë mundimeve torturave  dhe masakrave nga reprezaljet serbe.

 

Menjëherë pas okupimit të Kosovës, filloi masakrimi i popullatës nëpër të gjitha rajonet shqiptare. Masakrën e patën nisur në Drenicë, pikërisht në Prekaz të Epërm te Adem Jasharit dhe familjes së Jasharëve qe bënë një epokë për historinë e Kosovës, të Ahmet Delisë dhe shume luftëtareve qe dha Drenica.  Gjithashtu, ndërmerren masa për zhdukjen e intelektualëve shqiptarë dhe ndaj të gjithëve atyre që i bënë rezistencë kësaj politike dhe, i rralli, arriti t’u shpëtojë torturave, burgjeve dhe vdekjes. U derdhën mjete të shumta nga ministria për të mbushur trenat me shqiptarë që t’i çonin në Anadoll (marrëveshja  e nënshkruar jugosllave-turke).

 

Portret i heroit të Kosovës Shaban Polluzha vaj 95x75 cm nga Asllan dibrani 1999

Ne mesin e trimave te Kosovës pikërisht  të krahinës se Drenicës që i rezistoj pushtuesve serb ishte edhe Shaban Polluzha  njeriun i rezistencës , njeriu me një strategji ma te veçantë nga luftëtarët e asaj kohe , ishte me një vizion tjetër nga ombrella komuniste Jugosllave  qe kishin synime gllabëruese  pos Kosovës  edhe Shqipërinë ta fusin si republikën e shtatë  nën jugosllavët .Shaban Polluzha  udhëhoqi një brigadë   ushtarake  me mijëra  trima qe kishin vërejtur dinakërinë serbe dhe politikën e  serbo-sllavëve të luftës së dytë botërore .

 

 Tribuni i popullit, Shaban Polluzha, në të gjitha etapat e jetës së tij u angazhua për mirëqenien e popullit shqiptar, duke mos kursyer asgjë për të, madje as jetën, as familjen e as truallin dhe kullat. Ideali i tij për pavarësinë kishte zënë vend në shtatin e tij qysh në moshën e re. Për këtë ideal, më vonë do ta japë jetën.

Gjatë rezistencës që i bëri ushtrisë jugosllave në Drenicë e në Shalë të Bajgorës, u dëshmua si prijës tribun. Në këtë periudhë Shaban Polluzha barte flamurin kombëtar, me të cilin mbështillte plisin e bardhë. Pra, në të njëjtën kohë flamurin dhe plisin – plisin mbështjellë me flamur, asnjëherë nuk doli pa flamur, sepse për të luftonte dhe për të ishte i lidhur gjatë tërë jetës. Me të u vra dhe për të dha jetën për çlirimin e Kosovës nga regjimi  sllavist  për bashkimin e Shqipërisë në një shtet  jo të ndarë jo te copëtuar  siç u veprua në luftën e dyte botërore qe aneksuan  shumë pjesë nga Shqipëria dhe ju ndan armiqve të  atëhershëm për  fat të keq mbeten akoma si armiq duke e mbajtur se cili pjesë të Shqipërisë nën kolonitë e veta siç është Serbia,Maqedonia ,Mali i zi, dhe Greqia ,koha është qe te jemi kompakt si komb dhe te bashkohemi siç na mësoj Skënderbeu ,Ismail Qemaili, Hasan Prishtina dhe Shaban Polluzha etj.