Speciale
Milazim Kadriu: Krimet në Llap ishin të porositura
E enjte, 08.04.2010, 09:20 PM
“PËRKORË” KËRKON PADI PËR SERBINË
KRIMET NË LLAP ISHIN TË POROSITURA
Nga Milazim KADRIU
Edhe në komunën e Podujevës si në tërë Kosovën pranvera përtërinë dhimbjet dhe rikujton krimet dhe tmerret që bëri ushtria e policia serbe deh paramilitarët ndaj familjeve shqiptare. Sidomos krimet e bëra ndaj popullatës civile, duke filluar nga vrasjet, dhunimet, shkatërrimet, djegiet e shtëpive deri te dëbimi i shqiptarëve nga shtëpitë e tyre.
Me fillimin e bombardimeve të NATO-së mbi caqet serbe, ushtria dhe polica serbe të udhëhequr nga i ashtu quajturi “Shtabi krizës”.Ky shtab ishte formuar nga pushteti i instaluar serb në komunën e Podujevës. Ata në mëngjesin e 25 marsit 1999 filluan masakrat më të rënda ndaj popullatës shqiptare. Këto krime kishin filluar nga pjesa veriore e komunës së Podujevës duke vra dhe masakruar familje shqiptare, duke djeg e shkatërruar shtëpitë, për të futë frikë dhe panik te banorët e Llapit. Ata kishin për qëllim dëbimin e shqiptarëve nga vatrat e tyre, për të bërë spastrimin etnik. Donin që banorët e këtushëm ti dëbojnë sa më larg Podujevës, gjegjësisht Kosovës,e për të mos u kthyer më në vatrat e tyre. I gjithë ky gjenocid kishe vazhduar deri në dëbimin e banorit të fundit nga shtëpitë e tyre.
Rrëfimet e Latif Mehmetit
Siç pohon Latif Mehmeti,kryetar i Shoqatës për persona të zhdukur dhe viktima të luftës “Përkorë” në Podujevë më 25 mars 1999, ushtar, polic dhe paramilitar serb të maskuar në një furgon vranë shumë njerëz nëpër rrugët e qytetit. Ata lanë vetëm një korridor ët lirë që popullata sa më parë të largohej nga shtëpitë e veta. Pas dëbimit të popullatës nga shtëpitë e tyre ata u vendosen nëpër male. Ushtria dhe polica serbe filluan djegien dhe shkatërrimin e shtëpive shqiptare dhe plaçkitjen e pasurisë së tyre.
Më pas ata sipas taktikës tjetër strategjike të Serbisë kishin largimin e popullatës nga ato vende ku ishin vendosur nëpër malet e Llapit. Dhe kështu ata i grumbulluan civilët shqiptarë (gra pleq e fëmijë) në tri kampe. Këtë e bënë me qëllim që në momente të caktuara ti ketë në duart e veta, për ti vra dhe masakruar kur tu tekej. Këto kampe ushtria dhe polica serbe i kishte ngritur në fshatrat Metehi, Shajkoc dhe Barilvë. Aty ishin vendosur nën kontrollin e tyre rreth 100 mijë banorë shqiptarë. Ata jetuan nën ankthin e likuidimit,dhunimit dhe në mungesë të gjërave elementare për jetesë.
Sipas shumë analistëve,por edhe deklaratave të vetë ushtarakëve dhe policëve serb që i mbikëqyrshin këto kampe qëllimi ka qenë që nëse NATO hynë e Kosovë me këmbësori këta njerëz të këtyre kampeve të përdorën si mburojë e ushtrisë dhe policisë serbe. Fatmirësisht kjo nuk u realizua deh me të përfunduar lufta popullata filloj të kthehet në shtëpitë e tyre. Shumica shtëpitë i kishin të djegura. Mungonin familjarët dhe ata filluan ti kërkojnë. Dëmet materiale në këto anë ishin shumë të mëdha. Çdo e treta shtëpi ishte e djegur, ato që nuk ishin të djegura ishin të plaçkitura,u mungonte çdo gjë. Por mbi të gjitha ishte interesimi për njerëzit që mungonin të gjenden sa më parë. Në komunën e Podujevës sipas shënimeve të SHPZHVL “Përkorë” gjatë luftës së fundit u vranë dhe u zhduken 622 qytetarë, prej tyre edhe 43 edhe tani konsiderohen të zhdukur. Nga 622 të vrarët, 52 ishin nxënës, 112 ishin të gjinisë femërore. Ndërsa sipas moshës së tyre ata ishin: fëmijë deri në moshën 14 vjeçe 48, të rijë prej moshës 14-27 vjeçe 122,prej moshën 27-65 vjeç 325 dhe mbi moshën 65 vjeçar 84 të vrarë. Ndërsa për 43 ende nuk dihet për fatin e tyre pasi janë të zhdukur.
Sipas strukturës së familjare e të vrarëve. 36 familja i kanë të vrarë nga dy familjar, 9 familje nga 3 familjar, 3 familje nga 5 familjar, 2 familje nga 6 familjar,1 familje i ka 7 familjar dhe1 familje i ka 8 familjar.
Urdhëratë nga “Shtabi i krizës”
Të gjitha këto vrasje, masakrime, dhunime, djegëse , shkatërrime në rajonin e Llapit janë bërë me urdhrin e të ashtu quajturit “Shtabi i krizës” që udhëhiqej nga njerëzit e pushtetit ët instaluar serb. Në përbërje të shtabit ishin:Kryetari i komunës, i cili ka qenë komandat shtabi, Komandanti i ushtrisë Serbe për komunën e Podujevës, Kryeshefi ekzekutiv në komunën e Podujevës, Shefi i stacionit policor në Podujevë, Komandanti i stacionit policor ne Podujevë, Komandanti i mbrojtjes territoriale në Podujevë, Komandanti i mbrojtjes civile në Podujevë, Drejtori i shtëpisë së shëndetit në Podujevë,
Drejtori i OP Komunalja në Podujevë dhe Drejtori i NSH Gërmia në Podujevë.
Të gjitha këto vrasje, masakrime, dhunime, djegëse , shkatërrime në rajonin e Llapit janë bërë me urdhrin e të ashtu quajturit “Shtabi i krizës” që udhëhiqej nga njerëzit e pushtetit ët instaluar serb. Në përbërje të shtabit ishin e gjithë udhëheqja e instaluar serbe në krye me kryetarin e komunës, i cili ka qenë komandat shtabi. Po ashtu ky shtab kishte formuar një shtab tjetër për mbledhjen e kufoma dhe humbjen e gjurmëve. Po nga ky shtab është dhënë urdhri për plaçkitjen e të gjithë pasurisë së shqiptarëve si bagëtitë, mobilet, automjetet,mjetet bujqësore dhe të gjitha të mirat materiale.
Mehmeti thot se këto të dhëna janë fakte bazë me të cilat mund të ngritët aktakuzë kundër Serbisë pasi që për këto ka mjaft fakte ,dëshmi dhe argumente.
Satisfaksioni për krimet
Sipas Mehmetit edhe pas 11 vjetësh të përfundimit të luftës ende asnjë padi nuk është ushtruar ndaj Serbisë. Ndërsa SHPZHVL”Përkorë” ka siguruar nga familjaret e të vrave deklarata dhe rrëfime mbi krimet dhe vrasjet ndaj familjarëve të tyre.