Kulturë

Doli nga shtypi libri më i ri i shkrimtarit dhe publicistit Bedri Tahiri

E hene, 15.03.2010, 10:40 PM

Të nderur lexues e bashkëpunëtorë të ZSH!

Ditë më parë doli nga shtypi Monografia ”Abdyl Krasniqi–frymëzues brezash” e autorit Bedri TAHIRI, e cila, siç kuptohet edhe nga vetë titulli i kushtohet atdhetarit, krijuesit dhe të veprimtarit të palodhur të çështjes kombëtare, z. Abdyl Krasniqi, babait të Heroinës Xhevë Lladrovci- Krasniqi.

Bedri Tahiri u lind në Galicë të Drenicës më 1956. Mësimet e para i mori në vendlindje, ndërsa të mesmet në Gjimnazin e Skënderajt. Studimet i mbaroi në Universitetin e Prishtinës, dega Letërsi dhe Gjuhë Shqipe. Që nga janari i vitit 1980 ligjëron lëndën Gjuhë dhe Letërsi Shqipe në Gjimnazin “Eqrem Çabej” të Vushtrrisë.

Krahas punës edukativo-arsimore dhe veprimtarive të tjera shoqërore, merret edhe me artin letrar. Është anëtar i Lidhjes së Shkrimtarëve të Kosovës. Me shkrime ka zënë të merret qysh herët. Shkrimet e tij letrare- historike- dokumentare- publicistike mund t’i gjesh nëpër faqet e revistave e të gazetave shqipe që dalin në Prishtinë, në Tiranë e në mërgatë. Merr pjesë nëpër Simpoziume e Sesione shkencore me tema hulumtuese shkencore. Është anëtar i Lidhjes së Shkrimtarëve të Kosovës

Gjatë tërë kohës së luftës sonë çlirimtare qëndroi në shkrepat e Arbërisë së Vogël, përkrah luftëtarëve të lirisë, duke mbajtur shënime dhe ditar lufte.

Deri sot, pa i përmendur librat si bashkautorë, ka botuar këta libra:

Azem Bejtë Galica, 1995

Përmendorja që mungon, 1997

Hys Popova- një yll në Yllësinë shqiptare, 1998

Adem Jashari- legjendë e legjendave (u ribotua nëntë herë), 1999

Përjetësia, 2000

Agu i lirisë (e ribotuar dy herë), 2001

Drenica- një shekull trimëire (u ribotua tri herë), 2002

Përtëritja, 2002

Flakadanët e lirisë1, 2004

Drejtësia në sprovë, 2005

Azem Bejtë Galica (botimi i dytë i plotësuar), 2005

Flakadanët e lirisë 2, 2oo6

Nga Shqipëria në Shqipëri, 2oo7,

Flakadanët e lirisë 3, 2007 dhe

Adem Jashari- legjendë e legjendave (botim i nëntë i plotësuar), 2008,

Hasan Prishtina- Truri i Lëvizjes Kombëtare Shqiptare, 2008,

Abdyl Krasniqi- frymëzes brezash, 2009

Gjeografia e veprave të Bedri Tahirit është e plotë, ajo përfshin gjithë Trojet Etnike Shqiptare. Edhe idetë e veprave bartin mesazhe të qarta dhe të gjitha nënkuptojnë synimet tona shekullore që konsistojnë në bashkimin tonë kombëtar.

Ky krijues i palodhur nuk pushon për asnjë çast. Pena e tij e mprehtë nuk i lëshon lehtë as dukuritë negative të aktualitetit tonë shoqëror. I ka të gatshme për botim edhe disa libra në dorëshkrim:

Fehmi e Xhevë Lladrovci- të pandarë edhe në përjetësi,

Përmendorja që mungon (botim i dytë i plotësuar),

Përshtypje nga Franca,

Dierncimi (Tregime dhe novela)

Për Flamurin kuqezi etj.

Ditë më parë doli nga shtypi libri “Opusi krijues i Bedri Tahirit- lapidar për dëshmorët e lirisë”, përgatitur nga Zenun Gjocaj e Xhavit Aliu.

Ky është libri i tij i shtatëmbëdhjetë.

Me autorin mund të kontaktoni përmes postës elektronike: bedri_tahiri@yahoo.com

(Vota: 5 . Mesatare: 5/5)