E enjte, 28.03.2024, 12:59 PM (GMT)

Kulturë

Martin Lleshi: Baladë për atdhenë

E marte, 16.02.2010, 10:14 PM


Martin Lleshi

BALADE PER ATDHENE

(DARDANISË)

Dardani qarje e galaktikës n‘mesqiell
Kryediell i plasaritur në ballin tim
Kryeyll i krejtësisë në hapësirë
Kryedritë e dritëhijeve t’pa amshuara
Kryezjarrë i vullkaneve qiellore
Krye emër i toponimeve në gjithësi
Kryevepër e vetë Zot’Ynë
Kryefjala e fjalës pare
Kryevepra e veprave të mija
Kryetokë kryedhe i Atdheut
Gjaku dhe mishi
Ashti palca dhe shpirti
Buzagazi  hidhërimi dhe gëzimi
Djepi varri  Rilindja
Krushku i pare dhe flakadani
Zjarri dhe Liria
Vellëkuqja kurorzjarrta dhe bardhësia
Vetë dielli dhe Illyria
Kryevepra e të gjitha veprave
Ngjyrëkuqja ngjyrëzjarri ngjyrëflaka
Krye Shkaba e heraldikës sime
Dardania e gjakdheut të plisave t’bardhë

Kosovë
Atdheu im buzëshkrum prej guri
Ti je kënga dhe urata e lutjeve t’mija
Lahuta dhe fyelli
Të dalur nga bri e ashtit tim
Je vertikalja e pakërrusur
E ecjeve të gjata nëpër shekuj
Lavra e mbjelljeve  të lashtësisë
Rrudhëkuqja e bardhësive të ngrira
Reblerta e shirave te gjakut tim
Rekuqja e syve t’mi të rremosur
Përtejshikimi i hapësirave të pakufi
Edhe bukëmykja e mbashpirtit tim
Edhe ndezja e kërcejve të unave nëpër acarë
Edhe argjendi dhe ari i kërkuesve të andejshëm
Ti je filli dhe amshimfilli i gjeneve të mija
Kurorëgjkau i kurorkuqeve inrike
Farëpara e bimur nga dheu
Lulëkuqja e bimur nga gjaku
Je vetë INRI i golgotave të mija
Kosovë ti je kryekrisma e krejt krismave
Të qiellit tim
Mbi Ibisi Thothi dhe  Hermesi
Mbi Siriusi  Zeusi dhe krejt mitikët
Mbikrijusja ime Kosovë

Betohem
Në emër të ATIT e të BIRIT
Kastriotëve,Dukagjinasve,Frashërve
Fishtës Rugovës Jasharajve Haradinajve…
E të shenjtërve AMEN.

GJAKOVE
17.02.2008

AT’ YNE

Atdheu im buzëshkrum prej guri
Nga gjaku përthinjur kohërave
Përmbajtshëm shkëput motet supeve

Dhe tha

Ai që mbolli farë prej plumbi
Dhe piu uj prej gjaku
Të bekohet nga AT’YNE
Amen.

PRESIDENTIT HISTORIK
DR.IBRAHIM RUGOVA

Në thënça emrin tëndë  Atdhe
Ti je mbidheu i Atmes qiellore
Galaktika e purpurt n`udhëtimin
E përvlimeve të zjarrta n`shkrumbërje t`rikrijimit
Fjala e pathënë e Kryefjales rrektimë shungullimi
Puhizë n` fluturim bardhësie kopshteve n`zënlënje
Princi pa kurorë në karrocierinë qiellore
N`zësha fill në rrënjët tua t`paradiellit
Ti je Lisi i Zanafilles n`kërkim galaktikash
Urtësia e krejt zhurmitjeve n`token e kuqrremt
Rrënjëfjala hyjnore e fisit besëdhënë
Heu…
Vullkani i katarakteve të zjarrta të bardha të ngrira
Tejshpuesi i errësirës n`djellzënje të kohëve
Urtësia e zgjimeve t`përgjumura shekujve t`fjetur
Unëmatësi i papërkulur nëpër trandje planetesh
Shqiproni i Shqiponjës Madhe
Nëse të falem unë mëkatari yt
Nëse t`përgjunjëm unë fajtori yt
Sdo t`më falësh
Para se t`ngreh frymën e fundit
Lidhsmbathësi i mbathjeve t`ua
Do mbetem unë
Edhe n`fluturim të galaktikave
T`bardha,t`purpurta t`zjarrta…
Gandi IM.

16.02.2010.


(Vota: 18 . Mesatare: 4.5/5)

Komentoni
Komenti:

Video

Qazim Menxhiqi: Niset trimi për kurbet


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora