E marte, 19.11.2019, 04:03 PM (GMT)

Kulturë » Kozeta

Këze Kozeta Zylo: Për ty, Flamur

E shtune, 28.11.2009, 06:58 PM


Kozeta dhe Qemal Zylo
Kozeta dhe Qemal Zylo
Këze Kozeta Zylo


Për ty, Flamur

Gjethet e pemëve me ngjyrë të kuqe,
Si flamuj Arbëri valëviten në qiell,
Magjepsem pranë tyre në këtë stinë vjeshte,
Nju Jorku më duket si Vlora me diell!

Nga qielli i mallit rrokulliset loti,
Nga një shpirt i arratisur për tek ju,
Ndërsa një pëllumb me sqep më solli,
Flamurin e Marigosë, ta shpalosë këtu!

Kjo ditë mbiu si kumt i Lirisë,
Ardhur nga shpirtrat, që djegin muzgjet,
E nëpër rrënjë të thella të natës,
Më rrënqethet trupi, me të kuqen e Perëndimit,
Që përndez mallin, për ty, Flamur!

Në vargje më plasin lulet bozhur,
E ngjyros me to udhën e ëndrrave…
Në udhën, ku ndizet kënga shqiptare,
Me vallen e Osman Takës, plagë e Çamërisë…

Ndërsa unë vështroj,
Vetëm nga ninëzat e syrit të Vlorës,
Flamurin gjak, Flamurin shkabë!

Manhattan,
28 Nëntor, 2009


(Vota: 20 . Mesatare: 5/5)

Komentoni
Komenti:


Gallery

Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora
PËLLUMB GORICA: MURET CIKLOPIKE QË SFIDOJNË SHEKUJT