Nji grup muzikantesh drejtuar nga muzikanti Mithat Stringa(artist i merituar)bene nji vizite tek ''usta '' Isuf Myzyri. Nder keta artiste ishte dhe kengetarja popullore Marije Dhama. Mbasi kenduan pjese nga te mjeshtrit Isuf Myzyri,e pyeten ate se kush nga kengetaret i kendonte me mire kenget e tij. Ustai drejtoi gishtin nga Marija duke thene: -Kjo i kendon me mire kenget e mija'' . Une si instrumentist qe e kam shoqeruar Marijen deri ne fund te karieres se saj si kengetare ,doja te nxirrja nji mendim te sakte se pse ''Ustai'' vecoi Marijen.- Marija kur kendonte kengen:''Kendon kumurija'' ishte e mberthyer nga emocionet e kenges,gati sa nuk lotonte,ijepte shpirtin e saj kenges duke e bere ate te transmetonte tek publiku mesazhet e verteta te kenges se Usta Isuf Myzyrit. Kur mbaronte kenga, shpesh me thoshte : ''Te keqen motra mos m'a shpejtoni kengen, Dhe Marija kishte te drejte. Kjo ishte kenge qe nuk pranonte qe per hir te ''optimizmit'' te nderthurej me nji ritem te pershpejtuar. Ajo i ngjan nji'' arie '' e cila neper dasma kendohej ne ''unison'' nga te gjithe regjistrat e zerave qe marrin pjese ne te,dhe do te thoja se del me e bukur se sa e orkestruar. Prandaj Usta Isuf Myzyri dhe populli i Elbasanit e donin dhe e respektonin Marije Dhamen.
Faik Sinani (TALI)