Pamjet që sollën ekranet televizive nga Shupkovci i Mitrovicës, do të duhej t`i takonin të kaluarës. Derisa policia e Kosovës nuk guxon as të patrullojë aty-këtu nëpër Kosovë, as shqiptarët duarthatë që kërkojnë t`u largohet nga dera "kopili" i quajtur helm i ardhur nga Irani, nuk do të duhej të përgjakeshin e të maltretoheshin të shtrirë në asfaltin e lagësht. Mjaftë më me dy kut. Dikush kërkon t`u jepen serbëve nga 2 mijë euro ( para të taksapaguesve shqiptarë), dikush e quan humane harxhimin e 300 mijë eurove për rregullimin e varrezave të huaja, në tokën ku njerëzit po vuajnë edhe për bukën thatë. Por siç po shihet nuk kanë faj. Jeta në kolltuqe nuk është sikur ajo e atyre që i kanë sjellur aty. Zyrtarët e lartë kujdesen që me kohë t`i sigurojnë vetes (me ligj) që edhe kur nuk do të jenë sulltanë, mund të kënë prapë një jetë pashai.