Letrat e lexuesve
Zotni Kryeredaktor,
po jua dergoj një shkrim të shkurtër marrë nga gazeta ditore "Mannheimer Morgen" e dates 15.05.09, dhe disa pika programore te grupimit politik "BürgerUnion Mannheim". Ne këtë grupim është kandiduar edhe qytetari Kosovaro-Gjerman, Tefik Ramadani.
Ja se çfarë shkruan gazeta Mannheimer Morgen: ''Problematika e integrimit të të huajve në shoqërinë Gjermane i flen në zemër Tefik Ramadanit. I lindur më 1954, shqiptari nga Kosova ka mbi dhjetë vite që jeton në Gjermani. Defektologu i diplomuar, meret me ndihmë familjare Social-Pedagogjike dhe përkujdesje Psiko-Sociale. Ka pesë vite që është aktiv në politikën komunale në Mannheim, aktualisht nënkryetar i këshillit për të huaj të Mannheimit. Ish i perndjekuri politik nga Kosova është i martuar, bashkeshortja mësuese e mësimit plotësues në Mannheim, baba i tre fëmijëve. Bija e madhe me studime të mbaruara, bija e dyte studente dhe çuni maturant. Është kandiduar në listën 6, (BürgerUnion Mannheim)''.
Në kuader të këtij grupimi politik unë angazhohem për një qytet të pastër dhe të sigurt, një qytet me vende pune për të gjithë, përfshirjen e të gjithë fëmijëve në kopshte dhe çerdhe (edhe te familjeve me të ardhura te ulta), përmirsimin e kushteve të banimit, sidomos për migrantët. Mbështetje më të madhe për mesimin e gjuhës Gjermane dhe gjuhës ametare, mbështetje për arsimin dhe arsimimin e fëmijëve dhe të rinjëve Migrantë. Jetesën e përbashkët në paqe me njëri-tjetrin, dhe jo vetëm pranë njeri-tjetrit e të izoluar, e drejta e votës në zgjedhjet komunale për të gjithë qytetarët e huaj, luftimin e diskriminimit dhe disponimin armiqesor ndaj të huajve.
Këto janë disa prej pikave, për të cilat unë angazhohem.
I ftoj qytetarët Shqiptarë, që kanë të drejtë vote, që më 7 qershor, të votojnë për listën nr.6. (Në këtë listë janë edhe dy qytetare shqiptare: Rasim Javori dhe Orhan Imami, të cilët gjithashtu janë kandiduar në zgjedhje).
Tefik Ramadani-Qarri
t.ramadani@web.de
Lexo/Shkruaj Komente (0)
Dergoje
Printo
